Rallý Reykjavík 2008 - Report.

Góðann daginn :)

 

Þið afsakið þetta blogleysi sem verið hefur hér...en skólinn er núna byrjaður og ekki hægt að blogga eða setja inn myndir í vinnuni eins og í sumar . Hér kemur þó blogg um rallið hjá okkur Guðna, myndir frá JAK væntanlegar einnig.

 

Dagur 1:

Byrjað á Djúpavatninu, bestu lýsingarorðin fyrir þessa leið voru: hált, sleipt, blautt og drullugt :)

Þó komumst við í gegn þrátt fyrir eitt spin og viðkomu í nokkrum köntum hehe...

Síðan var tekið Kleifarvatnið þar sem við fórum heldur hægt þrátt fyrir mikla tilburði við að slá öðrum hliðarspeglinum inn með aðstoðar stiku eða skiltis.

Eftir það var keyrt niðrí grafarvog og Gufunesið keyrt tvisvar, með skemmtilegum "Stopp-ramma" fídus í endann.

Í viðgerðarhlénu var bíllinn yfirfarinn lítillega og ekkert fannst að eftir mjúkan akstur kvöldsins.

 

Dagur 2:

Byrjað eldsnemma með ferð um Hengilinn, skemmtilega malbiksleið eftir veginum að nesjavallavirkjun.

Síðan var keyrt lyngdalsheiðina þar sem við áttum arfaslakan tíma sem ég vill kenna um kellingaskap ökumannsins

Því næst var keyrt upp að tungaá þar sem helsta fjörið hjá okkur var að losa bílinn eftir að hafa keyrt á ótroðnu undirlagi á eftir hefli sem stoppaði skyndilega og við það grófumst við niður....óaðfinnanleg klaufska 

Eftir ferðina niður Tungaánna tóku við Dómadalur - Hekla - Skógshraun. Ótrúlega erfiðar aðstæður voru á Heklunni, mikil þoka og grófir kaflar. Á skógshrauninu var látið vaða á jumpið og lent á trýninu þannig að aðeins nartaðist í stuðarann:

 

Eftir hádegið var síðan tekinn annar "heklu-hringur", þó að skógshrauninu hafi reyndar verið sleppt vegna ástands vegarins.

Eins og kvöldið áður var endað í grafarvoginum með ferðum um Gufunesið.

Í viðgerðarhlénu um kvöldið var aðeins meira að gera en daginn áður; afturfjöðrun smurð, pannan hengd betur upp að aftan og annað smálegt.

 

Dagur 3:

Byrjaði alls ekki vel... feitt þjófstart á tröllhálsnum og eftir aðeins 10 mínútna akstur fór að streyma reykur inn í bílinn þannig að Henning náði okkur fljótlega og við hleyptum honum framúr við fyrsta tækifæri, þrátt fyrir að aðeins væru 3 mínútur á milli okkar eftir hremmingar Hennings daginn áður.

Að lokinni leiðinni tók við okkur serviceinn hjá valda, Óskar Sólmundarson og liðið hans. Þeir komust að því að reykurinn var vegna "huuuuuge" olíuleka og eitthvað hafði farið á pústið af því. Ekki stóð á því að meistararnir frá Valda redduðu þessu og splæstu meira að segja heilum olíubrúsa á bílinn (þannig eitthvað hefur náð að leka af olíunni ). Við kunnum þeim þúsund þakkir fyrir þessa aðstoð.

Eftir það kom Kaldidalurinn þar sem við áttum bestu sérleiðina okkar í keppninni, þrátt fyrir að eitthvað hafi verið farið að týnast af bílnum eins og nokkur ljós og hluti af mælaborðinu . Á þessari leið tókum við hálfa mínútu af helstu keppinautum, Henning og Gylfa.

Þá kom að tröllhálsnum niðureftir, þar misstu Henning og Gylfi dekk undan og töpuðu einhverjum 10-15 mínútum við það. Þannig að annað sætið yfir eindrifsbílana var orðið okkar nokkurnveginn, bara að klára Hengil, Kleifarvatn og Djúpavatn.

Á henglinum gekk allt að óskum, reyndar ekki hröð keyrsla. Síðan var komið að Kleifarvatninu og þá kom að skemmtileg-heitunum... Bíllinn dó rétt eftir start inná leiðina og er ekki enn búið að finna bilunina þrátt fyrir ýmsar tilraunir. Semsagt, freeekar leiðinlegur endir á annars mjög skemmtilegri keppni. Og í ofanálag að þurfa að sætta sig við tap fyrir kennara cóarans(Ólafi Inga)....pff.

 

Annars kom ein sárabót um kvöldið þegar ég var valinn Maður keppninar.

 

Til Hamingju allir sigurvegarar. Takk, allir starfsmenn og aðrir keppendur.

 

Maggi.

 

 

 

Athugasemdir

[petur s petursson (IP-tala skráð) 12.9.2008 kl. 20:42]

til hamingju með þennan árangur...

rallið er nú bara þannig, stundum getur maður nú bara einfaldlega EKKERT gert í því að maður detti út..... annað ef maður gerir mistökin sjálfur,td (fer útaf og kemst ekki lengra)  en fúlast er þegar það bilar og ekkert hægt að gera...... annað en að mæta bara í næstu keppni og vonast til þess að verða ekki aftur fyrir svona bilun....

enn og aftur til hamingju með STÆÐSTA titilinn í RR2008

kveðja

Pétur

[Ástríður Óla-inga-dóttir (IP-tala skráð) 12.9.2008 kl. 21:58]

Var á rallý-blogg-rúntinum (styttir mér stundir í skólanum) og langaði að óska ykkur innilega til hamingju með árangurinn í sumar, þið eruð djöull flottir á því! Algjör snilld bara :) Fúlt samt að það hafi bilað hjá ykkur í blálokin, en svona er þetta sport víst.

[Magnús Þórðarson, 13.9.2008 kl. 20:40]

Þakka ykkur :)

...Jæja nú er allavega bilunin fundin þó svo við vitum ekkert hvað orsakaði hana, 2 vírar í eitt af 3 tölvu pluggunum gófu ekki straum. Mixuðum þetta í gang með því að splæsa bara "dauðu" vírunum við einna annan sem var að gefa straum, nú gengur litla lambið allavega aftur.