Snæfellsnesrall 2008

Já góða kvöldið,

Núna um helgina fer fram 3ja umferðin í rallinu, það verður rallað á nýjum slóðum, eða á snæfellsnesinu.

 

Leiðarnar eru mjög skemmtilegar og krefjandi og allir eru jafnir þar sem þetta eru allt nýjar leiðar.  Eftir þetta rall munu línurnar líklega fara að skírast aðeins í stigatöflu íslandsmótsins, við gætum sagt að það verði "hálfleikstölurnar" sem koma í ljós.

 

Ég sit aftur uppi með gamla manninn mér við hlið, en unnið er að því hörðum höndum að koma upp ælupokakerfi og súrefnisgrímu og kút fyrir í bílnum fyrir keppnina á laugardag .

 

Hins vegar ætla ég að henda fram smá spá um úrslit helgarinnar:

4WD: 

1. Jónbi/Boggi - ég held að þeir klári núna loksins keppni...þeir hafa sýnt að hraðinn er nægur hjá þeim. 

2. Pétur/Heimir - í humátt á eftir N1 liðinu, spila sinn leik að klára þær keppnir sem eftir eru.

3. Sigurður/Ísak - Eitthvað eru þeir félagar seinir með bílinn og verður hann víst ekki eins öflugur og vonast var til, en við sjáum hvað setur.

4. Valdi/Ingi - Eftir virkilega harðann slag við áhöfnina á eftir hafa þeir betur.

5. Marri/Jónsi - Sprengja dekk á síðustu leið eftir mikla baráttu við MAX-liðið.

6. Jói/Björgvin - verða hraðari en í fyrri keppnum sumars, en Jóhannes var heilsulítill í byrjun tímabils en er allur að koma til. 

7. Páll/Aðalsteinn - Verða ekki svo langt frá Jóa og Björgvin...hraðinn á þeim mun aukast í sumar en þeir veltu í fyrstu keppninni í sumar og eru hægt og rólega að finna dampinn aftur.

8. Sigurður Óli/Hrefna - taka sinn hefðbunda skemmti-bíltúr og klára eins og reglan segir...

 

J:

1. Gummi Snorri/Ingimar - eftir geysimikla baráttu við............eee.....eee....já þeir eru eini jeppinn.

Það stendur þó til bóta afþví gamalreyndur rallykall hefur nú keypt hinn Dakar Pajeroinn, sá maður mun hafa keyrt cherokee í den með miklum ágætum...síðan má búast við Ástu og Steinunni Bleiku auk Silfraða Olíudreifarans í næstu keppni.

 

2WD:

1. Henning/Gylfi - spurning hverju þeir taka uppá núna til að gera drama í þetta fyrir síðustu leið?

2. Ólafur Ingi/Guðlaugur - þeir hafa verið í mikilli baráttu við Kjartan og Óla í allt sumar og nú held ég að þeir hafi það loksins.

3. Gunnar og Reynir - Gunnar hefur verið með Hafstein bróðir sinn með sér hingað til en nú er spurning hvernig gengur að stilla saman strengi við nýjan aðstoðarökumann.

4. Kjartan/Ólafur Þór - Eftir geysiharða baráttu um annað sæti í flokknum tapa þeir tíma á síðustu leiðum rallsins.

5. Einar/Sturla - Trukkararnir hlífa sunny-inum hvergi en koma honum þó í mark.

6. Síðan eru það við pabbi, vonandi verðum við aðeins nær næsta bíl en síðast. Það veðrur samt númer 1,2,3 að komast í endamark.

 

....Ég spánni eru engin afföll, þannig við sjáum til hvernig þetta breytist eftir að menn fara að olíubera vegina og búa til bíla-skúlptúra á víð og dreif um nánsta umhverfi veganna.