4. umferð - Skagafjarðarrallý

4. umferð íslandsmótsins í rallakstri fór fram á sauðárkróki í gær, ekið var um mælifellsdal og innanbæjarleiðina nafir.

Við feðgar höfum fest kaup á mazda 323 rallýbíl, eins og þeim sem Rúnar Jónsson og Jón Ragnarsson kepptu á hér á árum áður. planið var að fara á þeim bíl norður til þess að tilkeyra hann fyrir Rallý Reykjavík, sem fer fram í næsta mánuði.
Þegar það var orðið ljóst að mazdan yrði ekki tilbúin í tíma (sem var á miðvikudeginum fyrir rallið), var ákveðið að finna vél í corolluna til að geta amk. keppt fyrir norðan.
Vélin sem var sett ofan í var vél sem við fundum fyrr í vikuni, fyrir heilar 5 þúsund krónur.

SS-1, Mælifellsdalur 1.
Gekk ágætlega þrátt fyrir það að vera intercom-lausir. Töpuðum 50 sek. á Pétur og Heimi en tókum 10 af Marra og Jónsa á focusnum. Alveg öruggur akstur út í eitt.

SS-2, Mælifellsdalur 2.
Búið að bjarga intercom vandræðunum, með þeirri einföldu aðgerð að snúa batteríinu rétt í tækinu :D. Við flugum frekar illa á stökkinu sem Siggi Bragi flaug stökk illa (nema við vorum á leiðinni í hina áttina núna) og beygðum framstykkið á corollunni aðeins inn. Þrátt fyrir það gátum við haldið ótrauðir áfram og náðum fínum tíma, 17:09, 8 sek. lakara en Bakarinn og Heimir.

SS-3, Mælifelssdalur 3.
Eftir u.m.þ.b. 5 km. af leiðinni upp dalinn gerðist sá hefðbundi atburður að MaxSport dekk sem var undir corollunni sprakk, enda ekki hægt að búast við öðru eftir að við ókum yfir steinvölu sem lá á veginum í sakleysi sínu. Eftir að hafa opnað dekkjaverstæði upp á mælifellsdalnum héldum við áfram akstrinum, en töpuðum 6-7 mínútum á helstu keppinauta okkar.

SS-4, Mælifellsdalur 4.
Eftir að við töpuðum öllum þessum tíma á leiðinni á undan ákváðum við að taka því bara rólega á leiðinni niður dalinn í síðasta skipti, en það tók 5 þúsund króna vélin ekki í mál, og bræddi úr sér. Þannig að ekki fórum við lengra í þetta skipti. Eftir nánari skoðun í vélarsalnum þykjumst við hafa fundið líklega skýringu, en eftir að framstykkið gekk allt aðeins inn eftir stökkið hefur það sett smá krumpu á neðri vatnshosuna, sem síðan gæti hafa fallið alveg saman þegar hún hitnaði.

En við feðgar ætlum að halda áfram með mözduna og mæta á henni vel undirbúinni í alþjóðarallið sem fer fram í næsta mánuði.

MÞ-Racing

3. umferð - Vonbrigði :(

Suðurnesjaralli AÍFS lauk nú um 4 leitið, en við feðgar urðum frá að hverfa eins og um helmingur annarra keppenda í þessari keppni.

 

Ástæðan fyrir því að við kláruðum ekki var sú að vélin fór, í 5. skipti í 6 röllum, og við erum farnir að þreitast á þessum endalausu vélarupptekningum eða vélaskiptum. Þess vegna langar okkur feðga hreinlega í nýjan bíl, fjórhjóladrifinn. Sjáum til hvað gerist í þeim málum. Auk þess langar okkur ekki að keira einum kílómeter lengra á þessum MaxSport dekkjum sem eru greinilega ekki nægilega góð fyrir íslenskar aðstæður.

 

Vegna þess að við eigum bara sáralitla möguleika á titli eftir að vera bara með 4 stig eftir fyrstu 3 keppnirnar í Max1 höfum við líka ákveðið að hvíla mjög líklega keppnina fyrir norðan. 

 

Myndir væntanlegar!

 

Kv.  frá hinum vonsviknu-

MÞ-Racing 

Undirbúningur fyrir Suðurnesrallið

Nú erum við pabbi að klára að undirbúa Corolluna fyrir næstu keppni sem fer fram á suðurnesjum 8-9 Júní. Við gerðum tossalista yfir hlutina sem þurfti að gera til að koma bílnum aftur í almennilegt ástand.

 

- KAUPA NÝ MAX-SPORT DEKK! (8 stk.)

- Nýtt kveikjulok, við komumst að því eftir keppnina að það var brotið (sennilega eftir crashið á fyrstu leið). Heppni að ná að klára #1

- Síðan rifnaði líka öxulhosa í crashinu, heppni að við skyldum klára #2

- Laga botninn á bílnum.

- Setja Bílinn í réttingabekk, Elvar bróðir Fylkis reddaði því, TakkTakk

- Setja nýtt púst, það hafði kramist saman þannig að bilið sem var enn opið voru rétt tépir 2 cm, kannski smá afl-tap

- Setja Hlífðarpönnu undir bensíntank og Púst!

 

Sjáumst á Suðurnesjum!

 

 MÞ-Racing

2. Umferð lokið!

Í gær var haldin önnur umferð íslandsmótsins í rally.

Staðan:

Grp. N:

1. Danni/Ásta

2. Siggi Bragi/Ísak

3. Jónbi/Boggi

 

2000 fl.

1. Doddi/Maggi

2. Gummi Hösk/Óli

3. Pétur/Heimir

 

Max1:

1. Pétur/Heimir

2. Simmi/Jón

3. Henning/Anna

 

Jeppar:

1. Himmi/Vignir

2. Gummi/Hörður

3. Steini/Þórður

 ___________________________________

 

SS-1 Lyngdalsheiði til Laugarvatns.

Allt sett í botn hjá okkur feðgum og komumst við að því að vélin sem var sett í síðustu tvö kvöldin fyrir keppni var að skila sínu. Eftir nokkur ,,oops-atvik" uppá heiðinni var komið að síðasta kaflanum á leiðinni, brekkan niður að laugarvatni. Flaggað var út örlítið neðar en venjan er og því höfðum við ekki nótur síðasta spölinn til að fara eftir. Síðan sáum við flaggið og settum allt í botn og ætluðum ekkert að bremsa fyrr en flaggið félli, sem reyndist síðan dýrkeypt, en eftir smá lautarferð og gróðursetningu stuðaratrésins fræga komum við að tímavarðarstöðinni, bálreiðir, vitandi að rallið væri búið fyrir okkur. En það tók Pétur bakari ekki í mál, Service-bíllinn hans var þarna og það var tekinn vatnskassinn og fleira smotterí úr þeim bíl og síðan kom service-liðið hans danna til hjálpar líka, þannig að við pabbi fórum bara að skipta um varadekk á meðan þessi tvö stórkostlegu service-lið sameinu krafta sína og endursmíðuðu framendann á bílnum á 30 mínútum.

 SS-2 Lyngdalsheiði að Þingvöllum.

Eftir að við kynntum corolluna fyrir barðinu við endann á Lyngdalsheiðnni í hina áttina áttum við von á að bíllinn væri allur skakkur og leiðinlegur, sem reyndist vera - en þó minna en við bjuggumst við, kom það okkur á óvart að ná besta tímanum í 2000- og 1600 flokki.

 SS-3 Tröllháls-Uxahryggir.

Við ákváðum að keyra þessa leið dálítið grimmt fyrst við vorum búnir að venjast því hvernig bíllinn lét, reyndar versnaði ástandið á bílnum enn meira fyrir þessa leið, en við slitum rónna sem heldur demparanum (hægra megin að framan) saman, sem þýddi að við gátum ekki tekið jumpin ákveðið, en sem betur fer var bara eitt hættulegt jump á þessari leið, og í rauninni öllu rallinu. En það er á rimlahliðinu á uxahryggjum. Aftur náðum við besta tímanum af eindrifsbílunum.

 SS-4 Uxahryggir-Tröllháls.

Gekk mjög vel hjá okkur, en helstu keppinautar okkar Pétur og Heimir sprengdu dekk þegar leiðin var aðeins hálfnuð, auk þess þurftu Eyjó og Dóri að hætta keppni með bilaða bensíndælu.

 SS-5 Lyngdalsheiði til Laugarvatns.

Byrjuðum eins hratt og við treystum ónýta demparanum til, en eftir u.þ.b. 4 mínútna akstur sprungu bæði dekkin vinstra megin á bílnum og við urðum að dóla í mark, töpuðum tæpum 2 mínútum á Pétur og Heimi.

 SS-6 Lyndgalsheiði að Þingvallum.

Þar sem servicinn (sem var með öll dekkinn okkar) var hinum megin við lyngdalsheiðina og við með 2 ónýt dekk (réttara sagt felgur) voru góð ráð dýr, við fengum eitt dekk frá Úlla á sunny-inum og síðan vorum við með eitt varadekk með okkur í skottinu, en fyrir mistök var sett gamalt og haugslitið kumho-dekk í skottið í staðinn fyrir nýtt maxsport dekk, þannig að við þurftum að setja það undir og gera okkur þá ólöglega í max-1 flokkinn . Við skiluðum okkur í mark og sigur í 2000 flokki var staðreynd. En við vorum dæmdir úr leik í 1600 flokknum eins og lög gerðu ráð fyrir.

 

Við feðgar þökkum fyrir æðislega keppni! Sérstaklega þeim liðum sem komu okkur til hjálpar eftir fyrstu leiðina

 

Hér má nálgast  video innan úr bílnum okkar í fyrstu ferðinni um leyngdalsheiðina:

Aðeins verið að máta kantana með bílnum 

Brekkan rétt fyrir sléttuna 

Valdi; svona á að gera þessa beygju 

Eins gott að það er bara refsing fyrir stikurnar í þrengingunum

Áts! 

Undirbúningur fyrir 2. keppni ársins

Næsta keppni fer fram næsta laugardag, 19.maí. Tíma-áætlun má finna HÉR

 

Í morgun fórum við að skoða leiðir, og þær eru mjög fínar, þetta verður bara fjör næsta laugardag.

Síðan ákvað pabbi að skera bara hluta af veltibúrinu úr bílnum og gera það upp á nýtt vegna þess að við fengum athugasemdir við suðu í búrinu fyrir sprettinn.

 

Nóg í Bili!

 

MÞ-Racing 

Vorsprettur 2007

Árlega sprettrallið, sem hefur verið fyrsta mót ársins síðustu ár var haldið í gær, 20 bílar mættu til keppni í gær.

Úrslit:

Danni/Ásta        EVO6                 N

Óskar/Valtýr      Impreza WRX    N

Jónbi/Boggi        Impreza STi      N

Valdi/Ingi           Impreza GT       N

Jói V/Eggert       EVO5                N

Siggi Óli/Elsa     Celica GT-4        N

Pétur/Heimir      Corolla              M1

Steini/Doddi      Tomcat              J

Doddi/Maggi      Corolla             M1

Eyjó/Dóri           Clio                  2fl

Gummi/Hörður   Tomcat             J

Fylkir/Elvar        Impreza           N

Gummi/Ingimar  Civic                M1

Úlli/Hannes        Sunny             M1

Helgi/Krummi     Cherokee        J

Jóhannes/Tóti    Sunny             2fl

 

Simmi/Jón          Corolla            M1      Brotinn Öxull (héldu áfram eftir viðgerð)

Himmi/Vignir      Focus              2fl       Brotinn Öxull

Siggi Bragi/Ísak  EVO7             N         Kúpling og Framdrif

Dali/Elías           Trabant 601   M1       Hættu keppni

 

Við viljum bara þakka öllum þeim sem komu að rallinu fyrir góðan dag, Árni Jóns, Steini Palli, KLÁM gengið o.fl. = Húrra, Húrra, Húrra!

 

MÞ-Racing 

 

Ný Síða!

Jæja, nú gafst ég loksins upp á pabba og hans Html, frontpage rugli!

 

Nú get ég sett sjálfur inn myndir og video, án þess að Pabbi þurfi að kenna mér á Frontpage (forritið sem hann notar til að gera heimasíður) í leiðinni

Smíði nýja bílsins gengur vel, og við feðgar mætum að sjálfssögðu í fyrsta rallið, sem fer fram 5. maí.

 

Góðar Sundir-

MÞ - Racing